Sponsored

ရန်ကုန်-မန္တလေး အမြန်လမ်းကို နိုင်ငံတကာ အဝေးပြေးလမ်းမကဲ့သို့ အဆင့်မြှင့်တင်ရေး စိတ်ဝင်စားသည့် ကုမ္ပဏီများကို ဖိတ်ခေါ်ရန်ရှိကြောင်း ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်က ပြောသည်။

လက်ရှိအချိန်တွင် ဝန်ကြီးဌာနက တာဝန်ယူပြုပြင်နေရပြီး ကုန်ကျစရိတ်များ၍ ပုဂ္ဂလိကကုမ္ပဏီများကို ဖိတ်ခေါ်ရန်စီစဉ်ခြင်းဖြစ်သည်ဟု ၎င်းကဆိုသည်။

ရန်ကုန်-မန္တလေး အမြန်လမ်း

‘‘စိတ်ဝင်စားမှု ဖော်ပြလွှာ (EOI) ခေါ်ဖို့ရှိတယ်။ လမ်းကြီးကို အဆင့်မြှင့်တင်ဖို့ စိတ်ဝင်စားတဲ့ ကုမ္ပဏီတွေကို ဖိတ်ခေါ်ဖို့ရှိတယ်။အဲဒီအပေါ် မူတည်ပြီး မကြာခင်မှာ ပေါ်လာဖို့ရှိတယ်’’ဟု ပြည်ထောင်စုဝန်ကြီးက ပြောသည်။

Sponsored

လက်ရှိတွင် ထိုအမြန်လမ်း နိုင်လွန်ကတ္တရာခင်းခြင်းကို ဝန်ကြီးဌာနက ဆောင်ရွက်နေပြီး ကုန်ကျစရိတ်များ၍ ပုဂ္ဂလိကရင်းနှီးမြှုပ်နှံမှု ဖိတ်ခေါ်ရန် စီစဉ်ခြင်း ဖြစ်သည်။

ထိုစီမံကိန်းသည် ကန်ဒေါ် လာ သန်း ၉၆၀ ကျော်တန်ဖိုးရှိပြီး ၂၀၂၀-၂၁ ဘဏ္ဍာနှစ်မှ ၂၀၂၄-၂၅ ဘဏ္ဍာနှစ်အတွင်း အပြီး ဆောင်ရွက်ရန်စီစဉ်ထားကြောင်း အစိုးရ၏ စီမံကိန်းဘဏ်တွင် ဖော်ပြထားသည်။

ထိုလမ်းကြီး အဆင့်မြှင့်တင်ရန် ပထမအကြိမ် ဖိတ်ခေါ်ရာတွင် ပြည်တွင်းကုမ္ပဏီများသာ လျှောက်ထားသဖြင့် စီမံကိန်းကို ရပ်ဆိုင်းခြင်းဖြစ်သည်ဟု ဆောက်လုပ်ရေးဝန်ကြီးဌာန၊ လမ်းဦးစီးဌာန ဒုတိယညွှန်ကြားရေးမှူးချုပ် ဦးကြည်ဇော်မြင့်က ဆိုထားသည်။ ရန်ကုန်-မန္တလေး အမြန်လမ်းကို လေးလမ်းသွားလမ်းမအဖြစ် အဆင့်မြှင့်တင်ရန် စီစဉ်ထားသည်ဟု ဦးဟန်ဇော်က ဆိုသည်။ ထိုလမ်းမကြီးသည် မိုင် ၄၀၀ ခန့်ရှည်လျားပြီး ရန်ကုန်- နေပြည်တော်နှင့် မန္တလေးမြို့တို့ သို့ ချိတ်ဆက်ထားသည်။

ရန်ကုန်-ပဲခူးလမ်းပိုင်းကို အာရှဖွံ့ဖြိုးရေးဘဏ် (ADB) အကူအညီဖြင့် အဆင့်မြှင့်တင်ရန် စီစဉ်ထားပြီး မိုင် ၄၀ ခန့်ရှိသည်။ ကျန်လမ်းပိုင်းကို အဆင့်မြှင့်တင်ရေး လေ့လာဆန်းစစ်လေ့လာရန် ရှိသည်ဟု အစိုးရ၏ စီမံကိန်းဘဏ်တွင် ကြေညာထားသည်။

ထိုလမ်းမသည် မြန်မာနိုင်ငံ၏ တစ်ခုတည်းသော အမြန်လမ်းဖြစ်ပြီး ပို့ဆောင်ရေးကွန်ရက် အဓိက သွေးကြောဖြစ်သည်။

iMyanmarhouse မှရေးသားချက်အား ပြန်လည်ဖော်ပြပါသည်

Sponsored

Leave a Comment

Your email address will not be published. Required fields are marked *