ေဒၚေအာင္ဆန္းစုၾကည္ ေနအိမ္အနီး လုယက္မႈက်ဴးလြန္သူ ႏွစ္ဦးကို ျပည္သူမ်ား ဝိုင္းဖမ္း

ႏုိင္ငံေတာ္အတုိင္ပင္ခံပုဂၢိဳလ္၏ ေနအိမ္

ႏုိင္ငံေတာ္အတုိင္ပင္ခံပုဂၢိဳလ္၏ ေနအိမ္ႏွင့္ အေမရိကန္သံရံုးရွိရာ တကၠသိုလ္ရိပ္သာလမ္းတြင္ ေန႔ခင္းေၾကာင္ေတာင္ လုယက္မႈ က်ဴးလြန္သည့္ အမ်ိဳးသားတစ္ဦးႏွင့္ အမ်ိဳးသမီးတစ္ဦးကုိ ခရီးသြားျပည္သူမ်ားက ဝိုင္းဝန္းပိတ္ဆုိ႔ဖမ္းဆီးခဲ့ေၾကာင္း ရဲတပ္ဖြဲ႔ထံမွ သိရသည္။

လုယက္မႈက်ဴးလြန္သူႏွစ္ဦးမွာ ၾကည့္ျမင္တုိင္တစ္ဖက္ကမ္း စက္ကေလးရပ္ကြက္တြင္ ေနထိုင္သူ ေက်ာ္ရွိန္း (ခ) မီးခဲ (၂၈) ႏွစ္ႏွင့္ လိႈင္သာယာၿမိဳ႔နယ္တြင္ ေနထုိင္သူ မေသာ္ဇင္ရုိင္းကုိ (ခ) မရွမ္းေလး (၂၃) ႏွစ္တုိ႔ျဖစ္ၿပီး ၾသဂုတ္ ၁၂ ရက္ မြန္းလြဲ ၂ နာရီခြဲက ကမာရြတ္ဘူတာရံုလမ္းတြင္ အငွားယာဥ္တစ္စီးကုိ က်ပ္ ၈၀၀၀ ျဖင့္ ငွား၍ ယုဇန ဥယ်ာဥ္ၿမိဳ႕ေတာ္သုိ႔ ပို႔ေဆာင္ခုိင္းခဲ့သည္။

အငွားယာဥ္မွာ အင္းယားၿမိဳင္လမ္းထိပ္အေရာက္တြင္ ယာဥ္ေနာက္ခန္း၌ လုိက္ပါလာသူ ေက်ာ္ရွိန္း (ခ) မီးခဲက ယာဥ္ေမာင္းအမ်ိဳးသားအား အေပါ့သြားလုိသျဖင့္ လမ္းေဘးတြင္ ယာဥ္ခဏရပ္ေပးရန္ ေျပာေသာေၾကာင့္ ယာဥ္ ရပ္နားေပးခဲ့ၿပီး ေက်ာ္ရွိန္း (ခ) မီးခဲက လမ္းေဘးတြင္ အေပါ့သြားခဲ့ၿပီးေနာက္ ယာဥ္ေပၚျပန္တက္လာခဲ့သည္။

ယင္းေနာက္ အငွားယာဥ္ေမာင္း အမ်ိဳးသားက ယာဥ္ေမာင္းႏွင္ရန္ျပဳစဥ္ ယာဥ္ေနာက္ခန္းရွိ ေက်ာ္ရွိန္း (ခ) မီးခဲက အေနာက္မွ သုိင္းဖက္၍ ဓားဟုယူဆရေသာ အရာဝတၳဳျဖင့္ ယာဥ္ေမာင္းအမ်ိဳးသား၏ လည္ပင္းကုိ ေထာက္ကာ ေငြႏွင့္ပစၥည္းမ်ား ထုတ္ေပးရန္ ေျပာဆုိေသာေၾကာင့္ ယာဥ္ေမာင္းက ယာဥ္ကုိ တစ္လွိမ့္ခ်င္း ေမာင္းႏွင္လာခဲ့ၿပီး ျမဝတီစက္သံုးဆီဆုိင္အနီးအေရာက္တြင္ လူမ်ားကုိ ေတြ႔ရွိသျဖင့္ ရုတ္တရက္ ယာဥ္ေပၚမွ ခုန္ဆင္းကာ ပတ္ဝန္းက်င္ကုိ ေအာ္ဟစ္အကူအညီေတာင္းခဲ့သည္။

အငွားယာဥ္အနီးသို႔ လူမ်ားေရာက္ရွိလာသျဖင့္ ယာဥ္ေပၚပါ ေက်ာ္ရွိန္း (ခ) မီးခဲ ႏွင့္ မေသာ္ဇင္ရုိင္းကုိ (ခ) ရွမ္းေလးတုိ႔ ႏွစ္ဦးက ယာဥ္ေပၚမွဆင္းၿပီး ထြက္ေျပးစဥ္ ခရီးသြားျပည္သူမ်ားက ၎တုိ႔ႏွစ္ဦးကုိ ဝိုင္းဝန္းပိတ္ဆုိ႔ ဖမ္းဆီးခဲ့ၿပီး တကၠသုိလ္ရိပ္သာလမ္းတြင္ ေန႔ခင္းေၾကာင္ေတာင္ လုယက္မႈ က်ဴးလြန္ရန္ ႀကံစည္သူႏွစ္ဦးကုိ ဗဟန္းၿမိဳ႕မရဲစခန္းမွ ရာဇသတ္ႀကီးပုဒ္မ ၃၉၃ (လုယက္မႈကုိ က်ဴးလြန္ရန္ အားထုတ္မႈ) ျဖင့္ အမႈဖြင့္အေရးယူထားေၾကာင္း ရဲတပ္ဖြဲ႔ထံမွ သိရသည္။

Source: The Voice


#Unicode Version

နိုင်ငံတော်အတိုင်ပင်ခံပုဂ္ဂိုလ်၏ နေအိမ်နှင့် အမေရိကန်သံရုံးရှိရာ တက္ကသိုလ်ရိပ်သာလမ်းတွင် နေ့ခင်းကြောင်တောင် လုယက်မှု ကျူးလွန်သည့် အမျိုးသားတစ်ဦးနှင့် အမျိုးသမီးတစ်ဦးကို ခရီးသွားပြည်သူများက ဝိုင်းဝန်းပိတ်ဆို့ဖမ်းဆီးခဲ့ကြောင်း ရဲတပ်ဖွဲ့ထံမှ သိရသည်။

လုယက်မှုကျူးလွန်သူနှစ်ဦးမှာ ကြည့်မြင်တိုင်တစ်ဖက်ကမ်း စက်ကလေးရပ်ကွက်တွင် နေထိုင်သူ ကျော်ရှိန်း (ခ) မီးခဲ (၂၈) နှစ်နှင့် လှိုင်သာယာမြို့နယ်တွင် နေထိုင်သူ မသော်ဇင်ရိုင်းကို (ခ) မရှမ်းလေး (၂၃) နှစ်တို့ဖြစ်ပြီး သြဂုတ် ၁၂ ရက် မွန်းလွဲ ၂ နာရီခွဲက ကမာရွတ်ဘူတာရုံလမ်းတွင် အငှားယာဉ်တစ်စီးကို ကျပ် ၈၀၀၀ ဖြင့် ငှား၍ ယုဇန ဥယျာဉ်မြို့တော်သို့ ပို့ဆောင်ခိုင်းခဲ့သည်။

အငှားယာဉ်မှာ အင်းယားမြိုင်လမ်းထိပ်အရောက်တွင် ယာဉ်နောက်ခန်း၌ လိုက်ပါလာသူ ကျော်ရှိန်း (ခ) မီးခဲက ယာဉ်မောင်းအမျိုးသားအား အပေါ့သွားလိုသဖြင့် လမ်းဘေးတွင် ယာဉ်ခဏရပ်ပေးရန် ပြောသောကြောင့် ယာဉ် ရပ်နားပေးခဲ့ပြီး ကျော်ရှိန်း (ခ) မီးခဲက လမ်းဘေးတွင် အပေါ့သွားခဲ့ပြီးနောက် ယာဉ်ပေါ်ပြန်တက်လာခဲ့သည်။

ယင်းနောက် အငှားယာဉ်မောင်း အမျိုးသားက ယာဉ်မောင်းနှင်ရန်ပြုစဉ် ယာဉ်နောက်ခန်းရှိ ကျော်ရှိန်း (ခ) မီးခဲက အနောက်မှ သိုင်းဖက်၍ ဓားဟုယူဆရသော အရာဝတ္ထုဖြင့် ယာဉ်မောင်းအမျိုးသား၏ လည်ပင်းကို ထောက်ကာ ငွေနှင့်ပစ္စည်းများ ထုတ်ပေးရန် ပြောဆိုသောကြောင့် ယာဉ်မောင်းက ယာဉ်ကို တစ်လှိမ့်ချင်း မောင်းနှင်လာခဲ့ပြီး မြဝတီစက်သုံးဆီဆိုင်အနီးအရောက်တွင် လူများကို တွေ့ရှိသဖြင့် ရုတ်တရက် ယာဉ်ပေါ်မှ ခုန်ဆင်းကာ ပတ်ဝန်းကျင်ကို အော်ဟစ်အကူအညီတောင်းခဲ့သည်။

အငှားယာဉ်အနီးသို့ လူများရောက်ရှိလာသဖြင့် ယာဉ်ပေါ်ပါ ကျော်ရှိန်း (ခ) မီးခဲ နှင့် မသော်ဇင်ရိုင်းကို (ခ) ရှမ်းလေးတို့ နှစ်ဦးက ယာဉ်ပေါ်မှဆင်းပြီး ထွက်ပြေးစဉ် ခရီးသွားပြည်သူများက ၎င်းတို့နှစ်ဦးကို ဝိုင်းဝန်းပိတ်ဆို့ ဖမ်းဆီးခဲ့ပြီး တက္ကသိုလ်ရိပ်သာလမ်းတွင် နေ့ခင်းကြောင်တောင် လုယက်မှု ကျူးလွန်ရန် ကြံစည်သူနှစ်ဦးကို ဗဟန်းမြို့မရဲစခန်းမှ ရာဇသတ်ကြီးပုဒ်မ ၃၉၃ (လုယက်မှုကို ကျူးလွန်ရန် အားထုတ်မှု) ဖြင့် အမှုဖွင့်အရေးယူထားကြောင်း ရဲတပ်ဖွဲ့ထံမှ သိရသည်။

Source: The Voice