Sponsored

အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) ကမတ်လ ၃၀ ရက်နေ့၊ ညနေ (၅:၁၅) နာရီထုတ်ပြန်တဲ့ဓာတ်ခွဲစစ်ဆေးမှုအဖြေများအရ စောင့်ကြည့်လူနာနဲ့ လူနာ(၅၅)ဦး ဓာတ်ခွဲနမူနာတွေကိူ စစ်ဆေးခဲ့ရာ လူနာ (၄) ဦး ဓာတ်ခွဲအဖြေမှာ COVID-19 ရောဂါပိုး တွေ့ရှိ ရကြောင်းထုတ်ပြန်ပါတယ်။

သူတို့ထဲက (၄)ဦး အနက် (၃)ဦး ဟာပြင်သစ်နိုင်ငံ သားတွေဖြစ်ပြီး COVID-19 ရောဂါပိုး စစ်ဆေးတွေ့ရှိ ခဲ့လို့သူတို့ (၃)ဦးကို ဝေဘာဂီအထူးကုဆေးရုံသို့ လွှဲပြောင်းကုသမှုခံယူစေမယ်လို့ သိရပါ တယ်။

Photo: MOSH

ဓာတ်ခွဲအတည်ပြုလူနာ ၁၄ ကတော့ ရှမ်းပြည်နယ် (မြောက်ပိုင်း)၊ ကျောက်မဲမြို့နယ် မှာ နေထိုင် တဲ့ အသက် (၂၄) နှစ်အရွယ် မြန်မာနိုင်ငံသား အမျိုးသားတစ်ဦးဖြစ် ပါတယ်။

Sponsored

သူဟာ မတ်လ ၂၅ ရက်နေ့က ထိုင်းနိုင်ငံ၊ ဘန်ကောက်မြို့ကနေမြန်မာနိုင်ငံ တာချီလိတ်မြို့ကို ဝင်လာသူဖြစ်တယ်လို့ထုတ်ပြန်ချက်က ဆိုပါတယ်။

အဲဒီမြန်မာနိုင်ငံသားဟာ တာချီလိတ်က တည်းခိုခန်းတစ်ခုမှာ ၂ ည တည်းခိုခဲ့ပြီးတော့ မန္တလေးကို လေယာဉ်နဲ့ သွားခဲ့ပြီး မန္တလေးကနေမှ ကျောက်မဲကိုတော့ ကိုယ်ပိုင်ကားနဲ့ ပြန်ခဲ့တာလို့ ထုတ်ပြန်ချက်ကရေးပါတယ်။

လောလောဆယ် ကျောက်မဲပြည်သူ့ဆေးရုံကြီးမှာ ထားရှိပြီး ကျန်းမာရေးအခြေအနေလည်း ကောင်းမွန်တယ်လို့သိရပါတယ်။

အသွားအလာကန့်သတ်ပြီးစောင့်ကြည့်နေတဲ့ လူနာ ၅၅ ဦးရဲ့ ဓာတ်ခွဲအဖြေတွေကို မတ်လ ၃၀ ရက်နေ့ ထုတ်ပြန်ရာမှာ အဲဒီ ပြင်သစ်နိုင်ငံသား ၃ ဦးနဲ့ ထိုင်းက ပြန်လာတဲ့ မြန်မာနိုင်ငံသားကလွဲလို့ ကျန်တဲ့လူနာတွေက ပိုးမရှိကြောင်း ဓာတ်ခွဲအဖြေထွက်တယ်လို့ ထုတ်ပြန်ချက်မှာပါရှိပါတယ်။

Sponsored

Leave a Comment

Your email address will not be published. Required fields are marked *