Myanmar’s Got Talent ဖိုင်နယ်တက်သွားသည့် ရွှေတံဆိပ်များရှင် မသန်စွမ်းအားကစား သမား ဝင်းစန်းအောင်(ရုပ်သံ)

မသန်စွမ်းအားကစား သမား ဝင်းစန်းအောင်

“ဒါဟာချစ်ဗိမာန်လို့ ကိုယ်ထင်ပေမယ့်… အလွမ်းအဆွေးများရဲ့ထောင်ချောက်ပဲ… ထုံကြိုင်မွှေးပျံသော ချစ်ရနံ့များဟာ… အဆိပ်ငွေ့များလိုသတ်နေပြီ”
ဒါကတော့ ရော့ခ်ကာကြီး အဆိုတော် ဇော်ဝင်းထွဋ်ရဲ့ အချစ်တဲ့လားအမည်ရတဲ့ သီချင်းတပုဒ်ဖြစ်ပြီး တချိန်ကတော့ ပရိသတ်တွေရဲ့ ပါးစပ်ဖျားရေပန်းစားခဲ့တဲ့ သီချင်းတပုဒ် ဖြစ်ပါတယ်။

ခုတခါမှာတော့ ဒီသီချင်းကို Myanmar’s Got Talent ရဲ့ဆီမီးဖိုင်နယေအဆင့ေ ပြိုင်ပွဲ စင်မြင့်ပေါ်မှာ ပြိုင်ပွဲဝင်တဦးရဲ့ ပုံစံတမျိုးနဲ့ ထူးထူးခြားခြား ယှဉ်ပြိုင်ခဲ့တာကို တကျော့ ပြန်ရှုစားကြရမှာ ဖြစ်ပါတယ်။

ဒီသီချင်းကို ကီးဘုတ်တီးပြီး ထူးထူးခြားခြား ပြိုင်ပွဲဝင်ခဲ့သူကတော့ မြန်မာ့လက်ရွေးစင် မသန်စွမ်းအားကစားသမား ဝင်းစန်းအောင်ဖြစ်ပြီး ပရိသတ်ပေးတဲ့ မဲအများဆုံးနဲ့ ဖိုင်နယ်အဆင့်ကို တက်ရောက်သွားခဲ့တာပါ။

မသန်စွမ်းအားကစား သမား ဝင်းစန်းအောင်

ပရိသတ်အားပေးမှုတွေနဲ့ ထင်ရှားတဲ့ ဒီပြိုင်ပွဲရဲ့ ဆီမီးဖိုင်နယ်အဆင့်ကို ၅ ပတ်မြောက်အဖြစ် ကျင်းပခဲ့တာဖြစ်ပြီး ဒီပြိုင်ပွဲမှာတော့ ဝင်းစန်းအောင်နဲ့အတူ ရှေးလန်းရှမ်း လေး၊ ချာလီ၊ မင်းမင်း၊ Hey Mega နဲ့ ဇော်နိုင်ဝင်းတို့က ထူးခြားတဲ့ ရိုးရာရုပ်သေးပညာ၊ မီးအကအလှ၊ ခေတ်ပေါ်အကစတဲ့ စွမ်းရည်တွေ အမျိုးမျိုးနဲ့ အကြိတ်အနယ် ယှဉ်ပြိုင်ခဲ့ ကြတာ ဖြစ်ပါတယ်။

“ရန်သူကြီးတစ်ယောက်လို ထင်နေပြီလား… အမုန်းလက်နက်တွေ ကိုင်စွဲထား… သိပ်တင်းမာပြင်းထန်နေသူမင်းလေးရဲ့… အိုး… ဆက်ဆံရေးတွေကျဲနေပြီ”

ဝင်းစန်းအောင်ဟာ ရေကူး၊ ဝှီးချဲဘတ်စကက်ဘော၊ အလေးမ၊ သံလုံးသံပြားပစ်၊ ဝှီးချဲကြက်တောင် စတဲ့ မြန်မာ့လက်ရွေးစင် မသန်စွမ်းအားကစားသမားတဦးဖြစ်ပြီး အရှေ့တောင်အာရှအဆင့် ပြိုင်ပွဲတွေမှာ ရွှေတံဆိပ် ၁၈ ခုလောက် ရရှိထားခဲ့ပြီးလည်း ဖြစ်ပါတယ်။

မသန်စွမ်းအားကစား သမား ဝင်းစန်းအောင်

၂၀၁၉ ခုနှစ်ရဲ့ Myanmar’s Got Talent ပြိုင်ပွဲမှာတော့ ဒိုင်တွေအဖြစ် ဝါရင့် သရုပ်ဆောင်မင်းသမီး မို့မို့မြင့်အောင်၊ ဒါရိုက်တာ မောင်သီ၊ သရုပ်ဆောင်မင်းသမီး ခိုင် သင်းကြည်နဲ့ အစီအစဉ်တင်ဆက်သူ မောင်မောင်အေးတို့က အကဲဖြတ်အမှတ်ပေးကြတာပါ။

ကီးဘုတ်ကို ကိုယ်တိုင်အိမ်မှာပဲ ငယ်ငယ်တည်းက လေ့ကျင့်ရင်း တတ်လာတာဖြစ်ပြီး အိမ်မှာတယောက်တည်း နေရတာများတဲ့အချိန်မှာ ကီးဘုတ်ဟာ သူ့ရဲ့ အဖော် ဖြစ်လာခဲ့တယ်လို့ ပြောခဲ့တဲ့ ဝင်းစန်းအောင်ကတော့ Myanmar’s Got Talent ရဲ့ Audition အဆင့်မှာလည်း ဇော်ဝင်းထွဋ်ရဲ့ သီချင်းတပုဒ်ဖြစ်တဲ့ ကောင်းကင်မေမေသီချင်းနဲ့ ယှဉ်ပြိုင်ခဲ့သူဖြစ်ကာ ဒိုင် ၄ ယောက်စလုံးဆီက YES တွေ ရရှိခဲ့ပြီး နောက်တဆင့် တက်လာခဲ့သူ ဖြစ်ပါတယ်။

“ဒါဟာ အချစ်တဲ့လား… အဲဒါ အချစ်တဲ့လား… ဒါများအချစ်တဲ့လားကွာ… မင်း ပြောစမ်း… ဒါဟာ အချစ်တဲ့လား… အဲဒါ အချစ်တဲ့လား… ဒါများအချစ်တဲ့လားကွာ… မင်း ပြောဦး… ဒါဟာ အချစ်တဲ့လား… အဲဒါ အချစ်တဲ့လား… ဒါများအချစ်တဲ့လားကွာ… ပြန်ပြောဦး”

Myanmar’s Got Talent ရဲ့ ဆီမီးဖိုင်နယ်အဆင့်ရဲ့ ထုံးစံအတိုင်း ဖိုင်နယ်အဆင့် ကို တက်ရောက်နိုင်မယ့်သူ ၂ ဦးကိုသာ ရွေးချယ်တာဖြစ်ပြီး ဝင်းစန်းအောင်နဲ့အတူ နောက်တဆင့်ကို တက်ရောက်နိုင်မယ့်သူတဦးကို Top 3 ထဲက ရွေးချယ်ချိန်မှာတော့ ဒိုင် ၄ ဦးက ၂ မဲစီနဲ့ ဇော်နိုင်ဝင်းနဲ့ Hey Mega တို့က ရလဒ်တူညီခဲ့တာပါ။

အဲဒီနောက် ပရိသတ်မဲဒုတိယ အများဆုံးရရှိခဲ့သူကို ရွေးချယ်ချိန်မှာတော့ ဇော်နိုင်ဝင်းက နောက်တဆင့်ဖိုင်နယ်ကို တက်ရောက်သွားနိုင်ခဲ့ပြီ ဖြစ်ပါတယ်။

ယခုသတင်းအား DVB Multimedia Group မှဝယ်ယူပြီး တရားဝင်ခွင့်ပြုချက်ဖြင့် ဖော်ပြပါသည်။