Sponsored

မနေ့ မတ် ၁၄ ရက်က ကျင်းပတဲ့ တက္ကသိုလ်ဝင်ခွင့်စာမေးပွဲ စတုတ္ထနေ့ စိတ်ကြိုက်မြန်မာစာ ဘာသာရပ်ကို တနိုင်ငံလုံးမှာ ဖြေဆိုသူ ၁၀ ယောက် ရှိပါတယ်။

ကချင်နဲ့ ရခိုင်ပြည်နယ်၊ မန္တလေးနဲ့ ရန်ကုန်တိုင်းတို့မှာ ဖြေဆိုကြတာဖြစ်ပြီး မန္တလေးက စာရင်းပေးထားသူတယောက်ကတော့ ပျက်ကွက်ခဲ့ပါတယ်။

တက္ကသိုလ်ဝင်စာမေးပွဲမှာ လာမဖြေကြသူ ၆ သောင်းကျော် ရှိတယ်လို့ မြန်မာနိုင်ငံ စာစစ်ဦးစီးဌာနက ထုတ်ပြန်ထား

ကချင်ပြည်နယ်မှာ ၅ ယောက်၊ မန္တလေးတိုင်းမှာ ၂ ယောက်၊ ရခိုင်ပြည်နယ်မှာ ၁ ယောက်နဲ့ ရန်ကုန်တိုင်းမှာ ၂ ယောက် ဖြေဆိုခဲ့တာပါ။

Sponsored

အခုဖြေဆိုနေကြတဲ့ တက္ကသိုလ်ဝင်စာမေးပွဲမှာ လာမဖြေကြသူ ၆ သောင်းကျော် ရှိတယ်လို့ မြန်မာနိုင်ငံ စာစစ်ဦးစီးဌာနက ထုတ်ပြန်ထားပါတယ်။

တက္ကသိုလ်ဝင်ခွင့် စာမေးပွဲကို ဖြေဆိုဖို့ စာရင်းပေးထားသူဦးရေဟာ ၉၇၁,၄၀၇ ယောက်ရှိပြီး ရန်ကုန်တိုင်းက ၁၃၅,၀၀၀ ကျော်နဲ့ အများဆုံးဖြစ်ပါတယ်။

နိုင်ငံခြားစာစစ်ဌာနတွေအပါအဝင် မြန်မာတနိုင်ငံလုံးမှာ စာစစ်ဌာနပေါင်း ၁,၉၉၉ ခုရှိပြီး ရန်ကုန်ပြည်သူဆေးရုံကြီးစာစစ်ဌာနမှာ ၇ ယောက်၊ မြောက်ဥက္ကလာပဆေးရုံကြီးမှာ ၉ ယောက်ရှိပြီး တနိုင်ငံလုံးမှာ ဆေးရုံစာဖြေသူ ၁၂၅ ယောက်ရှိပါတယ်။

အကျဉ်းထောင်နဲ့ အချုပ်ကျ စာဖြေသူ စုစုပေါင်း ၁၈၉ ယောက်ရှိပြီး တနိုင်ငံလုံးမှာ ကိုယ်အင်္ဂါမသန်စွမ်းသူ အယောက် ၁၇၀၊ အမြင်အာရုံမသန်စွမ်းသူ အယောက် ၃၀ နဲ့ အကြားအာရုံ မသန်စွမ်းသူ ၂၂ ယောက် ဖြေဆိုနေကြပါတယ်။

ယခုသတင်းကို DVB Multimedia Group ထံမှ တရားဝင်ဝယ်ယူပြီး ပြန်လည်ဖော်ပြပါသည်

Sponsored

Leave a Comment

Your email address will not be published. Required fields are marked *