Sponsored

ပြင်းထန်အဆုတ်ရောင်ရောဂါ ကိုရိုနာဗိုင်းရပ်စ် စတင်ဖြစ်ပွားပြီး ရောဂါကူးစက်ခံရသူနှင့် သေဆုံးသူဦးရေ တစ်နေ့တစ်ခြားတိုးလာနေသော ဝူဟန်မြို့၌ ခေတ္တရောက်ရှိနေသော မြန်မာ ကျောင်းသား၊ ကျောင်းသူ အယောက် ၆ဝ ကို တရုတ်နိုင်ငံ ချန်းရှမြို့ကတစ်ဆင့် မန္တလေးမြို့သို့ ပို့ဆောင်သွားမည်ဖြစ်ကြောင်းတရုတ်နိုင်ငံ၊ ပေကျင်းမြို့ရှိ မြန်မာနိုင်ငံသံရုံးမှ ဇန်နဝါရီလ ၂၆ ရက်နေ့တွင် ထုတ်ပြန်ထားသည်။

လက်ရှိအချိန်တွင် မြန်မာကျောင်းသားများ ဝူဟန်မြို့မှ ချန်းရှမြို့သို့ ဘတ်စ်ကားဖြင့် ထွက်ခွာနိုင်ရန် စီစဉ်လျှက်ရှိပြီး ချန်းရှမြို့မှ တိုက်ရိုက်လေကြောင်းဖြင့် ဖြစ်စေ၊ ကူမင်း Transit ဖြင့်ဖြစ်စေ မြန်မာနိုင်ငံ၊ မန္တလေးမြို့သို့ အမြန်ဆုံးပို့ဆောင်ပေးနိုင်ရန် တရုတ်နိုင်ငံ ဟူပေပြည်နယ် နိုင်ငံခြားရေးရုံး၊ ဟူနန်ပြည်နယ် နိုင်ငံခြားရေးရုံးများနှင့် ဆက်သွယ်ဆောင်ရွက်လျှက်ရှိကြောင်း သံရုံးက ထုတ်ပြန်ထားသည်။

ဝူဟန်မြို့၌ရောက်နေတဲ့ ကိုစည်သူထွန်း

မန္တလေးမြို့သို့ထွက်ခွာရမည်ဖြစ်သောကြောင့် ကျောင်းသားအယောက် ၆ဝ လုံး တစ်ကြိမ်တည်းပို့ဆောင်ရန် မဖြစ်နိုင်ပါက ကျောင်းသားအချို့အနေဖြင့် ချန်းရှမြို့တွင် လေယာဉ်စောင့်ဆိုင်းရဖွယ်ရှိကြောင်းလည်း အဆိုပါထုတ်ပြန်ချက်တွင် ဖော်ပြထားသည်။

Sponsored

ဇန်နဝါရီလ ၂၃ ရက်နေ့ကစတင်ပြီး ကိုရိုနာဗိုင်းရပ်စ်ရောဂါသစ်စတင်ဖြစ်ပွားရာ ဝူဟန်မြို့မှ ထွက်ခွာမည့် လေယာဉ်၊ ရထားခရီးစဉ်များကို ရပ်ဆိုင်းလိုက်ကြောင်း တရုတ်အစိုးရက သတင်းထုတ်ပြန်ခဲ့ပြီးနောက် မြို့တွင် ကျန်ရှိနေသော မြန်မာကျောင်းသား ၆ဝ က လက်ရှိတွင် ကျောင်းသားအားလုံး ကျန်းမာရေးကောင်းမွန်နေသောကြောင့် လိုအပ်သောကျန်းမာရေးစစ်ဆေးမှုများ ခံယူပြီး မြန်မာနိုင်ငံသို့ ပြန်လည်ပို့ဆောင်ပေးရန်နှင့် လိုအပ်နေသော ဆေးဝါးစားနပ်ရိက္ခာများကူညီပေးရန် တရုတ်နိုင်ငံရှိ မြန်မာနိုင်ငံသံရုံးကို ဇန်နဝါရီလ ၂၅ ရက်နေ့က စာပေးပို့ခဲ့ခြင်းဖြစ်သည်။

တရုတ်နိုင်ငံ ဝူဟန်မြို့ ဆေးရုံသို့ coronavirus ကူးစက်လူနာတစ်ဦး ရောက်ရှိလာစဉ်

ဝူဟန်မြို့တွင် နိုင်ငံခြားသား ထောင်နှင့်ချီပိတ်မိနေပြီး အမေရိကန်၊ ပြင်သစျ၊ ဂျပန်နှင့် ထိုင်းနိုင်ငံတို့သည် ၎င်းတို့၏နိုင်ငံသားများကို လေယာဉ်ဖြင့် ဘေးကင်းရာသို့ပြောင်းရွှေ့ရန် စီစဉ်လျက်ကြောင်း နိုင်ငံတကာသ တင်းများ တွင် ဖော်ပြထားသည်။

Sponsored

Leave a Comment

Your email address will not be published. Required fields are marked *