Sponsored

မြန်မာနိုင်ငံမှာ ပထမဆုံး ကိုဗစ် – ၁၉ ပိုးတွေ့လူနာ ၂ဦးဖြစ်တဲ့ထဲက တစ်ဦးမှာ ဓမ္မဒူတဇေတဝန်တောရ ဆေကိန္ဒရာမကျောင်းတိုက်မှာ စောင့်ကြည့်ရာက တွေ့ရှိခဲ့တာဖြစ်တဲ့အတွက် ကျောင်းတိုက်ကို Lock down ချထားလိုက်ပြီဖြစ်လို့ မတ် ၂၄ ရက်နေ့မှာ ဆရာတော် အရှင်ဆေကိန္ဒက မိန့်ကြားခဲ့ပါတယ်။

အဆိုပါကျောင်းတိုက်မှာ ပြည်ပက ပြန်လာသူ ၁၀၇ ဦးကို လက်ခံထားရှိခဲ့ရာက ၆ယောက်ခန်းတွင် နေထိုင်သူ အမျိုးသားတစ်ဦးမှာ ကိုဗစ် -၁၉ ပိုးတွေ့ရှိခဲ့တာဖြစ်တယ်လို့ သိရပါတယ်။

ဓာတ်ပုံ – Okkar Thein

‘ ‘ အခုစိတ်မပူကြဖို့၊ လုပ်ငန်းဆက်စပ်လို့ ဘုန်းဘုန်းရယ် ကပ္ပိယတို့ဆရာဝန်တို့ပဲ လုပ်ငန်းပဲဆက်စပ်မှု ရှိတာပါ။ ဟိုလိုထိတွေ့မှုတော့မရှိပါဘူး။ ကျောင်းတိုက်ကို အခုအဝင်အထွက်အားလုံး ပိတ်ထားလိုက် ပါပြီ။အားလုံးနဲ့တိုင်ပင်ပြီးမှာ ဘုန်းဘုန်းတို့ဆန္ဒအတိုင်းပဲ လိုက်လျောလိုက်တာပါ။ စိတ်မပူကြပါနဲ့။ ပုံမှန်ပဲအားလုံးဆက်လုပ်နေပါတယ်။’’ လို့ ဆရာတော်က မတ် ၂၄ ရက်နေ့မှာ တပည့်ဒါယာကာတွေ ကိုမိန့်ကြားခဲ့ပါတယ်။

Sponsored

မြန်မာနိုင်ငံမှာ ပထမဆုံးသော ကိုဗစ် -၁၉ ဓာတ်ခွဲအတည်ပြုပိုးတွေ့လူနာ ၂ဦးကိုတွေ့ရှိခဲ့ကြောင်း ကျန်းမာရေးဝန်ကြီးဌာနက မတ် ၂၃ ရက်နေ့မှာ စတင်ကြေညာခဲ့ပါတယ်။

မတ် ၂၄ ရက်နေ့မနက်အစောပိုင်းအထိ ကိုရိုနာဗိုင်းရပ်စ်ဖြစ်ပွားမှုပေါင်း ၃၇၈၇၄၁ နဲ့ သေဆုံးသူ ၁၆၄၉၆ ဦး ရှိလာ ပြီဖြစ်ပါတယ်။

Sponsored

Leave a Comment

Your email address will not be published. Required fields are marked *