Sponsored

ကိုရိုနာဗိုင်းရပ်စ် တိုက်ဖျက်ရေးအတွက် ဒေါ်လာသန်း ၂၀ အထိ လှူဒါန်းသွားမယ်လို့ ဖေ့စ်ဘွတ်ခ် တည်ထောင်သူနဲ့ စီအီးအိုဖြစ်သူ မာ့ခ်ဇူကာဘတ် မတ် ၁၃ ရက်နေ့မှာ ထုတ်ပြန်လိုက်ပါတယ်။

ဇူကာဘတ်က သူ့ Facebook စာမျက်နှာမှာ ဒေါ်လာ ၁၀ သန်းကို COVID-19 Solidarity Response Fund ကို လှူဒါန်းထားပြီး အဲဒီပရောဂျတ်က ကုလသမဂ္ဂ၊ WHO ကမ္ဘာ့ကျန်းမာရေး အဖွဲ့တို့နဲ့ ပူးတွဲလုပ်ဆောင်နေတာပါ။

@Facebook

ဇူကာဘတ်ဟာ CDC Foundation ကိုလည်း ဒေါ်လာ ၁၀ သန်း လှူထားပါသေးတယ်။

Sponsored

သူ့ဖေ့စ်ဘွတ်ခ်စာမျက်နှာမှာ ဒီရန်ပုံငွေတွေက ကမ္ဘာတဝန်း ကိုရိုနာဗိုင်းရပ်စ် ပြန့်ပွားမှုကို တုံ့ပြန်တားဆီးဖို့ လုပ်နေတာတွေအတွက် အထောက်အကူဖြစ်အောင် လှူတာလို့လည်း ရှင်းပြထားပါတယ်။

ဒါ့အပြင် ကိုရိုနာဗိုင်းရပ်စ် တိုက်ဖျက်ဖို့ ဖေ့စ်ဘွတ်ခ်ဟာ ကမ္ဘာ့ကျန်းမာရေးအဖွဲ့ (WHO) ကို အခမဲ့ကြော်ငြာတွေ လိုသလောက်ပေးသွားမယ်လို့ စီအီးအို မက်ဇူကာဘတ်က မတ်လ ၃ ရက်မှာ ကြေညာခဲ့ပါသေးတယ်။

@Facebook

ဖြစ်ပေါ်နေတဲ့အခြေအနေအရ ဖေ့စ်ဘွတ်ခ်ဟာ WHO, CDC နဲ့ UNICEF တို့လို ကျန်းမာရေးအဖွဲ့အစည်းတွေနဲ့ အတူလုပ်ဆောင်နေပြီး ကိုရိုနာဗိုင်းရပ်စ်နဲ့ ပတ်သက်လို့ အချိန်နဲ့ တပြေးညီ တိကျတဲ့သတင်းတွေကို အဲဒီအဖွဲ့အစည်းတွေ ထုတ်ပြန်နိုင်စေဖို့ ကူညီပေးသွားမယ်လို့ ဇူကာဘတ်က ပြောခဲ့ပါတယ်။

ဖေ့စ်ဘွတ်ခ်အနေနဲ့ တခြားအဖွဲ့အစည်းတွေကိုလည်း အကူအညီတွေနဲ့ ကြော်ငြာသန်းချီ ပေးအပ်ပြီး လိုအပ်ရင် ထပ်တိုးအကူအညီပေးနိုင်ဖို့ ကမ္ဘာလုံးဆိုင်ရာကျန်းမာရေး ကျွမ်းကျင်သူ တွေနဲ့ အနီးကပ် အတူအလုပ်လုပ်သွားမယ်လို့လည်း ဇူကာဘတ်က ပို့စ်တင်ခဲ့ဖူးပါတယ်။

ယခုသတင်းကို DVB Multimedia Group ထံမှ တရားဝင်ဝယ်ယူပြီး ပြန်လည်ဖော်ပြပါသည်

Sponsored

Leave a Comment

Your email address will not be published. Required fields are marked *