Sponsored

ရန်ကုန်၊ သင်္ဃန်းကျွန်းမြို့နယ်က အိမ်နှစ်လုံးထဲမှာ တရုတ်တွေ ရောက်နေတယ်လို့ သတင်းအရ ဝင်ရောက်စစ်ဆေးရာမှာ ခွင့်ပြုချက်မဲ့ တရားမဝင် နေထိုင်တဲ့ တရုတ်အယောက် ၄၀ ကျော်ကို တွေ့ခဲ့ရပါတယ်။

Photo – Kyaw Swar Tun / MPA

သင်္ဃန်းကျွန်းမြို့နယ် ကမာကြည်တံတားအဆင်း ပန်းဝါလမ်းနဲ့ နှင်းဆီနီလမ်းက အိမ်နှစ်လုံးမှာ သက်ဆိုင်ရာဌာနကို တိုင်ကြားထားတဲ့ လူဦးရေထက်ပိုတဲ့ နိုင်ငံခြားသားတွေ နေတယ်လို့ ပတ်ဝန်းကျင်က တိုင်ကြားလာတာကြောင့် လွှတ်တော်ကိုယ်စားလှယ်၊ ရပ်ကွက်အုပ်ချုပ်ရေး၊ လ.ဝ.က နဲ့ ကျန်းမာရေးဌာနတာဝန်ရှိသူတွေက မတ် ၂၁ ရက်နေ့ ည ၉ နာရီဝန်းကျင်က ဝင်ရောက်စစ်ဆေးခဲ့တာပါ။

Photo – Kyaw Swar Tun / MPA

ပန်းဝါလမ်းက အိမ်မှာ တရုတ်နိုင်ငံသား စုစုပေါင်း ၅၄ ယောက်၊ နှင်းဆီနီလမ်းက အိမ်မှာ တရုတ်နိုင်ငံသား ၆၄ ယောက်တွေ့ရပြီး ခွင့်ပြုချက်မဲ့ နေထိုင်နေတဲ့ တရုတ်နိုင်ငံသား အနည်းဆုံး ၄၀ ကျော်ရှိတယ်လို့ သိရပါတယ်။

Sponsored

လက်ရှိမှာတော့ သူတို့ကို အဲဒီအိမ်တွေမှာပဲ ထိန်းသိမ်းထားပြီး တာဝန်ရှိသူတွေက ဆက်လက်စစ်ဆေးနေသလို ကိုရိုနာဗိုင်းရပ်စ် ကိုဗစ်-၁၉ နဲ့ ပတ်သက်လို့ ၁၄ ရက်စောင့်ကြည့်မယ်လို့ ဆိုပါတယ်။

Photo – Kyaw Swar Tun / MPA

မနေ့ညက အဲဒီလို အိမ်ဝင်းထဲ ဝင်စစ်ဆေးတဲ့အချိန်မှာ သတင်းရယူနေတဲ့ သတင်းထောက်တွေကို အိမ်ခြံဝင်းတံခါးဝမှာ သတင်းဓာတ်ပုံမရိုက်ဖို့ အိမ်ထဲမှာ ရှိနေသူတွေက တားဆီးခဲ့သလို ရေနဲ့ပက်တာတွေ လုပ်ခဲ့တယ်လို့လည်း သတင်းသွားယူခဲ့သူတွေက ပြောပါတယ်။

Photo – Kyaw Swar Tun / MPA

ယခုသတင်းကို DVB Multimedia Group ထံမှ တရားဝင်ဝယ်ယူပြီး ပြန်လည်ဖော်ပြပါသည်

Sponsored

Leave a Comment

Your email address will not be published. Required fields are marked *