Sponsored

ချင်းပြည်နယ်၊ ပလက်ဝမြို့နယ်ရှိ ကျောင်းဆရာ တဦးနှင့် အရပ်သားနှစ်ဦးတို့ကို အေအေ လက်နက်ကိုင်အဖွဲ့က ဖမ်းဆီးခေါ်ဆောင် သတ်ဖြတ်ခဲ့တယ်လို့ တပ်မတော်က သတင်းထုတ်ပြန်ပါတယ်။

ပလက်ဝမြို့နယ်၊ ကြက်ဥဝကျေးရွာနေ ဦးလှစိန်၊ ဦးချစ်စုနဲ့ မူလတန်းကျောင်းအုပ် ဦးဟာဗီလှတို့ သုံးဦးဟာ ဇန်နဝါရီ ၇ ရက် ည ၈ နာရီ လောက်က ဦးလှစိန်ရဲ့ နေအိမ်မှာ စကားပြောနေစဉ် အေအေအဖွဲ့ဝင် ၁၀ ဦးလောက် ရောက်ရှိလာပြီး ဖမ်းဆီးကာ ရွာရဲ့ မြောက်ဘက်သို့ ထွက်ခွာသွားခဲ့တာလို့ ဆိုပါတယ်။

သေဆုံးသွားတဲ့ ကျောင်းဆရာ ဦးအောဗေလ

ဖမ်းဆီးခေါ်ဆောင်သွားတဲ့ နေရာတဝိုက်ကို လုံခြုံရေး တပ်ဖွဲ့ဝင်တွေက စုံစမ်းရှာဖွေစစ်ဆေးရာမှာ ဇန်နဝါရီ ၁၀ ရက် ညနေ ၄ နာရီလောက်မှာ ဦးလှစိန်၊ ဦးချစ်စုနှင့် ဦးဟာဗီလှတို့ သုံးဦးကို ကြက်ဥဝကျေးရွာနဲ့ အန်ကူဝကျေးရွာကြားရှိ လယ်ကွင်းနဲ့ တောစပ်မှာ ဓားဒဏ်ရာတွေနဲ့ သေဆုံးနေတာကို ကြက်ဥဝ ကျေးရွာသားတွေက တွေ့ရှိခဲ့တယ်လို့ တပ်မတော် သတင်းမှာ ဖော်ပြပါတယ်။

Sponsored

တပ်မတော်သတင်းထုတ်ပြန်ချက်နဲ့ ပတ်သက်ပြီး ရက္ခိုင်တပ်တော် (အေအေ) အဖွဲ့ဘက်က တော့ ပြန်လည်တုံ့ပြန်ကြေညာခြင်း မရှိသေးပါဘူး။

ယခုသတင်းကို DVB Multimedia Group ထံမှ တရားဝင်ဝယ်ယူပြီး ပြန်လည်ဖော်ပြပါသည်

Sponsored

Leave a Comment

Your email address will not be published. Required fields are marked *