Sponsored

မန္တလေးတိုင်း၊ မလှိုင်မြို့နယ်၊ ဆုံတွင်းအုပ်စု၊ မကျီးပင်ပုရွာမှာ ထိုင်းနိုင်ငံကပြန်လာတဲ့ မိခင်နဲ့ ကလေး ၃ ဦး ဖျားနေတာကြောင့် နေအိမ်မှာ ၁၄ ရက်ထား စောင့်ကြည့်နေတယ်လို့ ကျေးရွာအုပ်ချုပ်ရေးမှူးက မတ် ၂၅ ရက်နေ့မှာ ပြောပါတယ်။

မကျီးပင်ပုရွာအုပ်ချုပ်ရေးမှူး ဒေါ်ဌေးက “မလှိုင်မြို့နယ် ပြည်သူ့ဆေးရုံကတော့ သာမန်ဖျားနာတာလို့ ဆိုတယ်၊ ရွာအိမ်မှာပဲ ၁၄ ရက် စောင့်ကြည့်ခိုင်းတယ်။ အိမ်ထဲက မထွက်ပါနဲ့ လိုတာရှိရင် ဖုန်းဆက်ပါလာလုပ်ပေးပါ့မယ် ပြောထားတယ်။ ရွာသူရွာသားအချင်းချင်း ပြန်တားမြစ်နေရတာခက်ခဲတယ်။ မြို့နယ်မှာ ၁၄ ရက် စောင့်ကြည့်ရင်ပိုကောင်းမယ် ထင်တယ်” လို့ ပြောပါတယ်။

ဓာတ်ပုံ-ကိုကျော်ကိုကို

မလှိုင်ပြည်သူ့ဆေးရုံ လက်ထောက်ဆရာဝန် ဒေါက်တာကောင်းရှန်က “မိသားစု ၄ ဦး သာမန်ဖျားနာတာပါ။ ရွာမှာပဲ ထားပါတယ်။ ကျေးလက်ကျန်းမာရေးဝန်ထမ်းနဲ့ ရွာခွဲအုပ်ချုပ်ရေးမှူးကိုလည်း သေသေချာချာ မှာကြားထားပါတယ်။ ထူးခြားလာရင် သတင်းထုတ်ပြန်ပေးပါမယ်၊ အခုထိတော့ စိုးရိမ်စရာမရှိသေးပါဘူး “လို့ ပြောပါတယ်။

Sponsored

အဆိုပါ မိသားစု ၄ ဦးဟာ ထိုင်းနိုင်ငံကနေ မတ် ၁၃ ရက်က ပြန်လာကြတာဖြစ်ပြီး မတ် ၂၄ ရက်က ဖျားနာနေလို့ ဗလငါးတန်ပရဟိတအသင်းနဲ့ ပူးပေါင်းပြီး မလှိုင်ဆေးရုံကိုပို့ပေးခဲ့တာလို့ မျိုးဆက်သစ်မြတ်ပါရမီသွေးလှူရှင်အသင်း ဦးကျော်ကိုကိုက ပြောပါတယ်။

မကျီးပင်ပုရွာဟာ အိမ်ခြေ ၂၈၀ ကျော်နဲ့ လူဦးရေ ၁၀၀၀ ကျော် နေထိုင်တဲ့ရွာတရွာ ဖြစ်ပါတယ်။

သတင်း-မောင်မောင်လင်း

ယခုသတင်းကို DVB Multimedia Group ထံမှ တရားဝင်ဝယ်ယူပြီး ပြန်လည်ဖော်ပြပါသည်

Sponsored

Leave a Comment

Your email address will not be published. Required fields are marked *